24/01/2008

Claude Piron forpasis

 

02438 Claude PIRON 2 junio 2007 Roterdamo

La 22an de januaro,

en sia 76a jaraĝo

forpasis Claude Piron.

 

xxxxxxxxxxxxxxxxxxxxxxxxxxxxxxx

23-01-2008 Mesaĝo de Henri Masson. (Pere de G. Pirlot)

Mi ĵus eksciis ke forpasis, hieraŭ, en sia hejmo, nia amiko Claude Piron.

Vortoj estas malfacile troveblaj post tiel kruela kaj abrupta novaĵo.
Nenio supozigis tiel subitan malaperon.

Ni estas tutkore kun lia edzino Nicole, ankaŭ esperantistino, kaj lia filino kiu vivas en Usono.

 

xxxxxxxxxxxxxxxxxxxxxxxxxxxxxxx

24-01-2008 Mesaĝo de Henri Masson. (Pere de G. Pirlot)

Claude Piron (1931-2008) : iom pli.

Unuaj eĥoj pri la malapero de Claude Piron, pro koratako, la mardon 22an de Januaro vespere, montras ke tio jam estigas fortan doloron por la tuta esperantistaro.
Post unua momento de stuporo, ni konsciu, ke nia malĝojo malĝojigus lin se li povus ankorau esprimi siajn sentojn al ni.
La plej bona maniero honori lian memoron, iel la plej "ĝojiga" por li, konsistas serĉi inspiron en la grandega laboro kiun li plenumis.
Post malapero de granda kaj bela arbo ekkreskas ankoraŭ multaj novaj pro natura dissemado, foje malproksime de la loko kie ĝi kreskis. Tion ni certe konstatos post ne tro fora tempo.

 

Katarina Kovats (Pays-Bas),
fondintino de <edukado.net>,
kreis belan kondolencan kaj memoran paĝon pri li :
edukado.net...Memore al Claude PIRON
kaj
kondolenca paĝo.

 

xxxxxxxxxxxxxxxxxxxxxxxxxxxxxxx

 

El retejo de Claude Piron.
Biografio - fragmentoj el lia vivo.

 

Svisa psikologo kun forta intereso pri lingvoj,
diplomito de la Interpretista Lernejo de Ĝeneva Universitato,
Claude Piron (Namur, 1931)
estis tradukisto en UN (Novjorko) de 1956 ĝis 1961
(francen el la angla, ĉina, hispana kaj rusa).

Li poste laboris ok jarojn en Monda Organizo pri Sano,
i.a. en Orienta Azio kaj Afriko.

Trejnita kiel psikanalizisto kaj psikoterapiisto,
li komencis praktiki psikoterapion en 1969
en la ĝeneva regiono (de 1999 en Gland, Svislando).

Li instruis en la Psikologia kaj Edukscienca Fako
de Ĝeneva Universitato de 1973 ĝis emeritiĝo en 1994.

Lia ĉefa nuna aktiveco, krom la psikoterapia praktikado,
estas profesie trejni junajn psikoterapiistojn,
per kontrolo de ilia laboro kaj partopreno en trejnaj seminarioj.

Li ofte prelegas pri psikologiaj problemoj,
ĉefe en rilato kun la spirita vivo,
aŭ (malpli ofte) pri internacia komunikado kaj Esperanto.

Lia verko "Le défi des langues" ("La lingva defio"),
kiu estas iom psikanalizo de internacia komunikado,
estis eldonita ĉe L'Harmattan (Parizo) en 1994.

Li publikigis en Esperanto ok romanojn, plurajn novelarojn, poemaron kaj kantokasedon.

Li publikigis diverslingve multajn artikolojn pri internacia kaj interkultura komunikado, kaj pri psikologio.

Li aŭtoris aŭ kunaŭtoris tri franclingvajn librojn pri psikologiaj temoj.

 

11:31 Écrit par Esper@nto en Bruselo dans Por interesuloj | Lien permanent | Commentaires (0) |  Facebook |